د جمعې په ورځ د پاکستان پلازمینې اسلام آباد ته نږدې د شیه ګانو یو جومات د یوه خونړي بمي برید هدف وګرځېد.
تر ماښام مهاله د لږ تر لږه ۳۱ کسانو د وژل کېدو او د ۱۷۰ نورو د ټپیانیدو خبر ورکړل شوی.
اندېښنه شته چې د مرګژوبلو شمېر زیات وي.
پولیسو ویلي د جمعې تر لمانځه وروسته په امام باړې سیمه کې دا برید چې ځانمرګې حمله وه ګڼ لمونځ کوونکي هدف وګرځول.
د پاکستان صدراعظم شهبازشریف دا برید غندلی دی.
چا له د دغه برید مسوولیت نه دی منلی.
په همدې حال کې په اسلام اباد کې د امریکا سفارت هم ځانمرګی برید په "کلکه غندلی" دی.
د دغه سفارت شارژدافېرې نیټلي بېکر پر اېکس په بیان کې ویلي چې د خپل حکومت له لوري په حمله کې د وژل شویو او ژوبلو له "کورنیو سره ژره خواخوږي" ښيي.
دا په تېرو څو میاشتو کې په اسلام اباد کې دویمه لویه حمله ده. د نومبر پر ۱۱مه په اسلام اباد کې په ځانمرګي بريد کې لږ تر لږه ۱۲ کسان وژل شوي او تر ۲۰ زيات ژوبل شوي ول.
د هغه برید مسوولیت وسلوالې ډلې "جماعت الاحرار" منلی وو.