د امریکا په کالفورنیا ایالت کې د ډزو پیښه کې لږ تر لږه ۴ تنه وژل شوي او ۱۰ نور ټپيان شوي دي.
لویدیځو اژانسونو ویلي ډزې تېره شپه په سان جواکوین سیمه کې د ماشومانو د کلیزې د مراسمو پر مهال شوې دي.
د امریکا پولیسو دا " هدفي پیښه" بللې او ویلې یي دي چې د انګیزې او لامل په اړه یې پلټنې کوي.
د پولیسو یوې ویاندې هېدر برېنټ ویلي، وژل شویو او ټپيانو کې تنکي ځوانان او لویان شامل دي.
امریکایي رسنۍ ویلي چې د ډزو یو مشکوک عامل تري تم دی.