اسراییلي چارواکي وايي د هغو دریو مړو د بدن ټوټې چې حماس ډلې ورسپارلي، په غزه کې د ساتل شویو اسراییلي یرغملو نه دی.
د فرانسپرس خبري آژانس د راپور له مخې پوځي ویلي، د عدلي طب معاینې ښيي چې دا د هغو یوولسو یرغملو مړي نه دي چې د سره صلیب نړیوالې ټولنې یې بېګا اسراییلو ته د سپارلو خبر ورکړ.
حماس ډلې د پخوا برعکس دا ځل د دې مړو سپارل اعلان نه کړل.
د اکتوبر په لسمه په غزه کې د اوربند له نافذيدو وروسته حماس ډلې تراوسه شل یرغمل خوشې کړي او د اولسو نورو د مړو ټوټې یې اسراییلو ته سپارلې دي خو د دوو بهرنیو وګړو په ګډون د یوولسو اسراییلي یرغملو مړي تراوسه هم په غزه کې پاتې دي.