د ریښتر په کچه ۴ اعشاریه ۶ درجې زلزلې نن سهار ننګرهار ولایت ولړزوه.
د جرمني د زلزلې پیژندنې یوه مرکز ( ولکېنو ډیسکوري) ویلي، زلزله په ځایي وخت سهار ۴ بجې او ۲۳ دقیقې وشوه او مرکز یې د جلال اباد ښار په ختیځ کې و.
تراوسه د زلزلې د احتمالي زیانونو راپور نه دی ورکړل شوی.
د اګست په ۳۱مه د افغانستان ختیځ یوې زورورې زلزلې ولړزوه چې ډیر زیان یې د کونړ د څو ولسوالیو اوسیدونکو ته واړوه.
د طالبانو د حکومت د شمېرو له مخې، هغې زلزله کې څه باندې ۲۲ سوه کسان مړه او نژدې ۴ زره نور ژوبل شول.