د امریکا په نیوهمشایر ایالت په یوه کلپ کې تېره شپه یو تن په ډزو وژل شوی او څو تنه نور ټپیان شوي دي.
د اسوشیتیدپریس خبري آژانس د راپور له مخې د نیوهمشایر لوی څارنوال جان فورمیلا او د نَشوا ښار د پولیسو مشر کوین رورک ویلي دي چې په “سکای میډو کنټري کلپ“ کې د ډزو په پېښه کې یو نارینه وژل شوی دی.
چارواکو ویلي دي چې مشکوک بریدګر د پېښې په ځای کې نیول شوی دی.
د نیوهمشایر مرستیال څارنوال پیټر هینکلي د پېښې د عواملو په اړه د څېړنو د پیل خبر ورکړی دی.