طالب چارواکو په کندز ولایت کې هم رسنۍ د ژوندیو موجوداتو د انځورونو له ښکاره کولو منع کړې.
د افغانستان د خبریالانو مرکز دا خبره چهارشنبې ناوخته په یوه بیان کې کړې ده.
د دغه مرکز په خبره کندز څوارلسم ولایت شو چې د طالبانو له خوا رسنۍ د ژوندیو موجوداتو د انځورونو له خپرولو منع شوی.
د افغانستان د خبریالانو مرکز او د رسنیو نورو فعالانو پر رسنیو د ژوندیو موجوداتو د خپرولو ممنوعیت د اطلاع رسونې، بیان ازادۍ او اطلاعاتو د خلکو د لاسرسي د حق سرغړونه بللې ده.
دمګړۍ په هغو ولایتونو کې چې رسنۍ د ژوندیو موجوداتو د انځورونو له خپرولو منع شوي یواځې د غرونو-رغونو، دښتو، ونو او فصلونو نندارې وړاندې کېږي.