مشهوره سندرغاړې کټي پري، پېژندل شوې خبریاله ګایل کېنګ او د میلیاردر جیف بیزوس کوژدنه پيلوټه او پخوانۍ خبریاله لورین سانچز فضا ته لاړې.
له دوی سره په ننني سفر کې د ناسا پخوانۍ ساینسپوهه ایشا بووي، څېړونکې اماندا انګوین او فلم جوړونکې کېرین فلین هم ملګرې وې.
بلو اوریجین شرکت چې د میلیاردر جیف بیزوس دی نن دا ښځې په ټکساس کې په یوه راکټ کې فضا ته واستولې.
د راکټ سروکی ۱۰۵ کیلومتره پورته لاړ او تر شاوخوا لسو دقیقو وروسته بېرته په اتومات شکل ځمکې ته راستون شو.