د اوکرایین ولسمشر ولادیمیر زلنسکي یو ځل بیا له خپلو شریکانو غوښتي چې په تور سمندرګي د وړاندیز شوي اوربند د شرایطو په اړه يې، د روسیې په مقابل کې ملاتړ وکړي.
زلنسکي چې د اروپايي ټولنې د مشرانو په ناسته کې د ګډون په موخه پاریس ته تللی و، چهارشنبې ماښام خبریالانو ته وویل، " اوکرایین د امریکا د پوځي او استخباراتي مرستو د بیرته سنتیدو په موخه په سعودي عربستان کې د سولې د خبرو اترو له دوام سره موافقه کړې ده".
د اروپايي ټولنې مشران نن پنجشنبې په پاریس کې راټولیږي او په اوکرایین د سولې په اړه خبرې اترې کوي.
د زلنسکي په ټکو، اوکرایین د جګړي د پایته رسولو په اړه خپل دریځ څرګند کړی او غواړي دا جګړه پای ومومي.
د امریکا په منځګړیتوب د اوکرایین او روسیې ترمنځ د سولې د خبرو اترو دویم پړاو د سعودي په پلازمینه ریاض کې ترسره شو.
اوکراییني چارواکو په اوکرایین له ۳۰ ورځني اوربند سره موافقه کړې وه، خو روسیې بیا ویلي و، د دې اوربند له ځینو شرطونو سره موافقه نه ده.
بل پلو، سپینې ماڼې ویلي، د روسیې له خوا پر وړاندیز شویو شرطونو غور کوي.