په ترکیې کې د ولسمشر رجب طیب اردوغان پرضد له سترو مظاهرو اونۍ وروسته، معترضو محصلینو یو ځل بیا واټونو ته مخه کړه.
دا اعتراضونه د مارچ په نولسمه د استانبول د ښاروال اکرم امام اوغلو تر نیولو وروسته پیل شول.
په استانبول او نورو ښارونو کې مظاهرې روانې دي.
په استانبول او پلازمینې انقره کې پرون محصلینو دا شعار بدرګه کاوه چې « حکومت دې استعفی وکړي».
د سې شنبې تر مازیدګر پورې د ترکیې د کورنیو چارو وزارت د نژدې یو نیم زر کسانو د نیولو خبر ورکړی و.