په ننګرهار کې د سوداګرۍ او پانګونې خونې د مدیره پلاوي غړي مخلص احمد ازادي راډیو ته وویل چې د جمعې په ورځ به مسافر او ناروغان له دې لارې د تګ راتګ اجازه ترلاسه کړي.
د تورخم دروازه د فبروري په یو ویشتمه پاکستان بنده کړه او ویې ویل چې افغان طالبان د پاکستان د خاورې دننه تاسیسات جوړوي. طالبانو دا ادعا رد کړه او ویې ویل چې د افغانستان د خاورې دننه امنیتي تاسیسات ودانوي.
د دواړو هیوادونو د استازیو تر خبرو وروسته پرون مازدیګر څلورنیمې بجې په سوداګریزو توکو بار لارۍ له دې لارې وروسته له پنځه ویشت ورځو تیرې شوې.
په تیرې نږدې یوې میاشتې کې د دې لارې د تړل کیدو له امله د دواړو لوریو سوداګرو ته په میلیونونو ډالر زیان اوښتی دی.