د بالتیک حوزې دریو هېوادونو لاتویا، لیتوانیا او استونیا د شنبې په ورځ (د فبروري په ۸مه) خپل د برېښنا سیسټمونه د روسیې له شبکې څخه قطع کړل.
په دې کار سره د شوروي دورې د بریښنا لیږد شبکې څخه چې روسیه، بیلاروس او د روسیې کالینینګراد سیمه سره نښلوي، د دغو دریو هېوادونو ارتباط پرې شو.
د یادو دریو هیوادونو لپاره، چې د شوروي اتحاد له ړنګیدو وروسته د ۱۹۹۰ لسیزې په لومړیو کې د خپلواکو دولتونو په توګه راڅرګند شول او په ۲۰۰۴ کې د اروپایي اتحادیې او ناټو سره یوځای شول، د بریښنا دا شبکه د روسیې سره یوازینۍ پاتې اړیکه وه.
د اروپايي ټولنې درې غړي هېوادونه، لاتویا، لیتوانیا او ایستونیا، د اروپايي برېښنا شبکې سره یوځای کېدو ته چمتو دي، چې د اروپا ډیره برخه پکې شامله ده. د اروپا د بریښنا شبکه په لویدیځ کې له پرتګال څخه په ختیځ کې تر ترکیې او اوکرایین دا هېوادونه پکې نغاړي.
د بالتیک حوزې یاد هېوادونه د اروپا د بريښنا له شبکې سره د لا ښه اتحاد او امنیت په هدف یوځای شوي.