سیمه ایزې سرچینې په تخار ولایت کې د یوه چینایي وګړي د وژل کیدو خبر ورکوي.
د سرچینو په وینا دا چینایي وګړی چې د تخار او بدخشان ولایتونو په کانونو کې یې کارکاوه د خواجه بهاالدین ولسوالۍ په کتکجر سیمه کې هغه مهال ووژل شو چې د سپرلۍ پر موټر یې ډزې وشوې.
ویل کېږي بریدګرو له دې کس څخه چې په اړه یې ډېر جزییات نه شته یوڅه پیسې هم وړې دي. ازادي راډیو هڅه وکړه چې د پیښې په اړه د تخار د سیمه ایزو چارواکو نظر واخلي خو هغوی خبرو ته حاضر نه شول.