د طالبانو د ټرانسپورت او ملکي هوايي چلند وزارت د هوا پيژندنې ادارې په خپله اعلامیه کې ویلي چې په غور، هلمند، کندهار، زابل، ارزګان، دایکندي، غزني، پکتیکا، پکتیا، لوګر، میدان وردګ، پروان، بغلان، پنجشیر، کاپیسا، کابل او سالنګونو کې واورې او بارانونه وشي.
د وړاندوینې له مخې، د باران اندازه به د ۱۵ او ۳۰ ملي مترو ترمنځ وي او د واورې اندازه به د ۱۰ او ۴۰ سانتي مترو ترمنځ وي.
د هوا پېژندنې ادارې دا هم ویلي چې په مرکزي سیمو او سالنګونو کې به قوي بادونه وچلیږي.
افغانستان د اقلیمي بدلون په وړاندې د لسو ډېرو زیان منونکو هیوادونو څخه یو دی.
د ملګرو ملتونو د بشري چارو د همغږۍ دفتر (OCHA) په خپل وروستي رپوټ کې ویلي چې په تیرو دوو اونیو کې د افغانستان په ځینو شمالي او ختیځو ولایتونو کې د درنو واورو، بارانونو او سختې سړې هوا له امله لږ تر لږه ۱۰ کسان وژل شوي او ۱۷ نور ټپیان شوي دي.