یان ایګلنډ شنبه په خپله ایکس پاڼه لیکلي چې بېرته افغانستان ته ستون شوی او هرات کې یې داسې ښځې لیدلي چې له خپلو سړیو پرته له ایرانه ایستل شوي او غربت او بېچارګۍ کې ګېر دي.
ښاغلي ایګلنډ ویلي پاکستان اته لکه افغانان تر دې دمه له خپلې خاورې ایستلي او ایران هم د دوو میلیونو افغان کډوالو د ایستلو پلان لري.
هغه ویلي د افغانستان دا ګاونډیان داسې وخت دا کار کوي چې افغانستان کې واردمخه ۲۲ میلیونه خلک بشري مرستو ته اړتیا لري.