د ملګروملتونو د بشري مرستو د همغږۍ اداره اوچا وايي، په روان ۲۰۲۵ کال کې د افغانستان څه باندې ۱۴ میلیون وګړي، روغتیايي خدماتو ته اړتیا لري، خو دا اداره اټکل کوي چې له دې ډلې ښايي ۹،۳ میلیون خلک دا خدمات ترلاسه کړي.
اوچا نن پر خپله ایکس پاڼه په یوه بیان کې دا هم ویلي دي چې روغتیايي خدماتو ته د اړو ۱۴،۳ میلیون کسانو له ډلې څه باندې ۲۳ سلنه ښځې، ۵۳ سلنه ناریه او نژدې ۱۰ سلنه معلولیت لرونکي کسان دي.
د طالبانو د حکومت د روغتیا سرپرست وزیر نورجلال جلالي د مرغومي په ۵مه وویل چې د هېواد د ولسوالیو ۷۲ سلنه اوسېدونکي اوس مهال روغتیايي خدماتو ته لاسرسی نه لري. اوچا له اړو افغانانو سره د مرستې لپاره د نژدې ۲۸۰ میلیون ډالره بسپنې غوښتنه کړې.