په قزاقستان کې لسګونو کسان په هوايي پېښه کې مړه شوي

د قزاقستان په لویدیځ کې اقتاو ښارته نژدې د یوې مسافروړونکې الوتکې د راغورځیدو په پیښه کې لسګونه کسان مړه شوي دي. د قزاقستان چارواکو نن چهارشنبې وویل چې په دغه الوتکه کې چې د آذربایجان له پلازمینې باکو څخه روسیې ته په لاره وه، ۶۹ تنه سپاره و. چارواکو ویلي چې د لومړنیو معلوماتو له مخې په دې پیښه کې لسګونه تنه مړه شوي خو له دیرشو زیات ژوندي پاتې دي.