د افغانستان د هواپېژندنې ریاست د افغانستان په ځینو برخو کې د چټکو بادونو د پېښېدو اټکل کړی دی.
د طالبانو د ټرانسپورټ او هوايي چلند وزارت د هواپېژندنې ریاست نن په یوه خبرداري کې ویلي چې تر سبا یکشنبه د سالنګونو په ګډون د افغانستان په جنوب ختیځو، جنوبي، لوېدیځو او مرکزي ولایتونو کې د تېزو بادونو اټکل شوی دی.
دغه ریاست وايي، په بېلابېلو سیمو کې به د بادونو د سرعت اندازه په ساعت کې له ۵۰ تر ۸۰ کیلومترو پورې وي.