د هېواد تکړه پيلوټ معین خان ودرګ له شاوخوا څلوېښت کلن خدمت وروسته پرون تقاعد شو.
ښاغلي وردګ د بېلابېلو دولتي او خصوصي هوايي شرکتو سره د پيلوټ په توګه دنده ترسره کړې ده او وروستی دنده یې د کام ایر خصوصي هوايي شرکت سره وه.
د کام ایر خصوصي هوايي شرکت مسوولینو پرون یکشنبه د کابل په هوايي ډکر کې پهدې اړه جوړو شویو مراسمو کې معین وردګ خدمتونه وستایل.
میعن خان همداراز نن د کابل په هوايي ډګر د خپل مسلکي ژوند وروستی پرواز په ترسره کولو سره وویل، هڅه کوي چې خپلې تجربې له ځوانو افغان پیلوټانو سره شریکې کړي.