د آذربایجان په پلازمېنه باکو کې د افغانستان یو وګړی په ۱۰ کاله بند محکوم شوی دی.
د دې هېواد د رسنیو د راپورونو له مخې، د باکو د لویو جرمونو محکمې د یوه افغان په اړه چې نوم یې فوزان موسی خان ښودل شوی، نن چهارشنبې خپله فیصله اعلان کړه.
د آذربایجان د ملي امنیت ادارې په خپله ویبپاڼه کې په یوه خپره شوې ویډیو کې ویلي چې موسی خان شاوخوا یو کال مخکې په باکو کې د یوې تروریستي حملې د پلانولو په تور د دې هېواد د امنیتي ځواکونو لهخوا نیول شوی و.
ویل شوي چې نوموړی وروسته له هغې ونیول شو چې له یو شمېر کسانو سره چې هویت یې نهدی په ډاګه شوی، د وسلې د ترلاسه کولو لپاره اړیکې ټینګې کړې وې.