د اسیا ایمرجېنګ جام پایلوبه نن یکشنبه د افغانستان او سریلانکا د الف لوبډلو ترمنځ پیل شوې ده.
دغه سیالي د عمان په کوربهتوب د کابل پر وخت مازدیګر ۶:۰۰ بجې پیل شوه.
دا لومړی ځل دی چې د افغانستان الف لوبډله د اسیا ایمرجېنګ جام پایلوبه لوبوي.
په نننۍ سیالۍ کې د افغانستان په یولس کسیزه ډله کې صدیقالله اتل، ذبید اکبري، محمداسحاق، دروېش رسولي، کریم جنت، شرفالدین اشرف، شاهدالله کمال، قیساحمد، الله محمدغضنفر، عبدالرحمن او بلال سمیع غوره شوي دي.
د یادو سیالیو په لومړۍ نیمه پایلوبه کې سریلانکا پاکستان ته ماتې ورکړه او افغان ابدالیانو بیا د تېر پړاو اتلې هندوستان ته ماتې ورکړې ده.