په پام کې ده چې د افغانستان د ابدالیان لوبډله نن د آسیا د ایمرجېنګ جام په پایلوبه کې له سریلانکا سره مخامخ شي.
د عمان په کوربهتوب دا لوبه نن د کابل په وخت د مازیګر په پنځو بجو پیلېږي.
افغان ابدالیان لوبډلې د جمعې په ورځ د نیمه پایلوبې په یوه په زړه پورې سیالۍ کې د هند الف لوبډلې ته ماته ورکړه او پایلوبې ته ووته.
افغان ابدالیانو د آسیا د ایمرجېنګ جام په سیالیو کې له یوې لوبې پرته خپلې ټولې لوبې وګټلې او پایلوبې ته ووتله.