د افغانستان په چارو کې د قطر ځانګړي استازي فیصل بن عبدالله الحنزاب په دوحه کې د ملګرو ملتونو د کډوالو د لویې کمېشنري له استازي عارفات جمال سره په کتنه کې د افغانستان د وروستیو تحولاتو په اړه خبرې وکړې.
د قطر د بهرنیو چارو وزارت پرون چهارشنبې په یوه بیان کې ویلي چې په دې غونډه کې دواړو خواوو په افغانستان کې د سولې د پیاوړتیا د لارو چارو او د وروستیو پرمختګونو په اړه خبرې وکړې.
په بیان کې زیاته شوي چې په دې کتنه کې د افغانستان خلکو ته د بشري مرستو پر دوام ټینګار وشو.
د ملګرو ملتونو د کډوالو لویې کمېشنرۍ په یوه راپور کې مخکې اعلان کړی و چې په روان میلادي کال کې یې ۴۸زرو او ۳۰۰ راستنېدونکو افغانانو ته مرسته کړې ده.