د فرانسې د بهرنیو چارو وزیر ژان نوئل باروت نن شنبه په دوه ورځني سفر د اوکراین پلازمېنې کییف ته ورسېد.
دا سفر داسې مهال کېږي چې فرانسې د اوکراین د ثابت ملاتړ ډاډ ورکړی دی.
باروت په داسې کې کییف ته ورسېد چې پر دغه ښار د روسیې د بېپيلوټه الوتکو د حملو خبرداری هم خپور شوی و.
دی به سبا هم په دغه ښار کې وي او له خپل اوکرایني سیال اندري سېبها سره هم وګوري.
د فرانسې د بهرنیو چارو وزارت پرون ناوخته پر خپله ایکسپاڼه (پخواني ټویټر) لیکلي، چې د دې سفر هدف د دې څرګندول دي، چې فرانسه به له هيڅ بحران شا ته نهشي او دا چې اوکراین، د خوړو او انرژۍ په ګډون زموږ د لویې وچې د امنیت په معنا دی.
ژان نوئل باروت مخکې ویلي وو، چې د هغو اوکرایني ماشومانو پر برخلیک به هم خبرې وکړي، چې د روسیې لهخوا اختطاف شوي دي.