د افغانستان د کرکټ د ابدالیانو په نوم الف لوبډله نن جمعه د اسیا ایمرجینګ جام په سیالیو په لړ کې خپله لومړۍ لوبه له سریلانکا سره کوي.
د افغانستان کرکټ بورډ په خبر کې راغلي، چې دا سیالي به د کابل پر وخت ماښام ۶:۰۰ بجې پیل شي.
افغان لوبډله چې په A ګروپ کې شته، دویمه سیالي یې د یکشنبې په ورځ له بنګلهدېش او وروستۍ یې د سهشنبې په ورځ له هانګ کانګ سره ده.
کرکټ بورډ د دغو سیالیو لپاره د دروېش رسولي په لوبډلمشرۍ ۱۵ کسیزه لوبډله ټاکلې، چې له وړاندې یې په عمان کې دوې تمریناتي سیالۍ کړې دي.
په دغو شل اووره مسابقو کې د افغانستان تر څنګ ۷ نور اسیايي هېوادونه هم ګډون لري او پایلوبه به یې د اکټوبر په ۲۷مه نېټه وشي.