د ښځو په پيل شوي نړیوال جام کې له الف ګروپ څخه اسټرالیا او نیوزیلنډ د نیمه پایلوبې پړاو ته ووتل.
له یاد ګروپ څخه د هندوستان، پاکستان او سریلانکا لوبډلې ونه توانېدې چې بل پړاو ته لار پیدا کړي.
د دغه نړیوال جام د ګروپي پړاو یوه لوبه پاتې ده چې نن سه شنبه به د انګلستان او وېسټ اینډیز ترمنځ ترسره شي او تر دې لوبې وروسته به معلومه شي چې له ب ګروپ څخه کومې دوه لوبډلې نیمه پایلوبې ته لار پيدا کوي.
د ویلو ده چې د نیمه پایلوبې پړاو به د اکټوبر په ۱۷مه او ۱۸مه نېټه ترسره شي او پایلوبه به بیا د اکټوبر په شلمه نېټه وي.