د خیبرپښتونخوا په بنو کې افراطي وسلهوالو د پولیسو پر یوه مرکز برید کړی چې راپورونه وايي، لا هم دوام لري.
د پولیسو چارواکي وايي چې په جګړه کې تراوسه درې بریدګر او درې پولیس وژل شوي دي.
په بنو کې د پولیسو یوه چارواکي د نوم نه ښودلو په شرط د ازادۍ راډیو د مشال څانګې ته ویلي، وسلهوال د پولیسو یوه مرکز ته دننه شوي او له پولیسو سره یې وسلهواله نښته دوام لري.
په عین حال کې د پوځ هیليکوپټرونه هم په بنو ښار کې پروازونه کوي.
د دې حملې مسوولیت تحریک طالبان پاکستان منلی دی.
