د اماراتو هوایي شرکت دوبۍ ته د سفر په لړ کې له سپرلیو سره د پیجرونو او بیسیم مخابراتي وسیلو لرل منع کړل.
متحده عربي اماراتو په خپلو الوتکو کې د پیجرونو او بیسیم مخابراتي وسیلو پر کارولو بندیز وروسته له دې ولګاوه چې په لبنان کې د پېجرونو د چاودنو له کبله ډېر کسان ټپیان یا ووژل شول.
امارات هوايي شرکت، چې مرکز یې په دوبۍ کې دی، پرون شنبې په یوه بیان کې وویل چې په سیمه کې د تاوتریخوالي د زیاتېدو له امله منځني ختیځ ته د الوتنو موقتي لغوه څو ورځې نورې هم اوږدوي.
په منځني ختیڅ کې د کړکېچ له امله ډېرو هوايي شرکتونو خپلې الوت کرښې بدلې کړي دي.