په لغمان ولایت کې د سختو بارانونو او توپان له امله اووه تنه ټپیان شوي دي.
د طالبانو تر کنټرول لاندې په لغمان ولایت کې له پېښو سره د مبارزې د ادارې مشر عبیدالله الکوزي د دوشنبې په ورځ رسنیو ته وویل چې د شدید باران او ورسره مل توپان له کبله څو کورونه نړېدلي او یو شمېر ونې لوېدلې دي.
انجنیر الکوزي په وینا، د ۷ تنو ټپیانو په منځ کې د یوه حال نازک دی.
توپان او باران ډېر مالي تاوانونه هم اړولي دي.
په افغانستان کې سږني ورښتونه او سېلابونه په تېرو څه باندې ۵ لسیزو کې بېساري بلل شوي او ویل کېږي چې له اقلیمي بدلون سره بې ارتباطه نه دي.