د پاکستان او افغانستان د سوداګرۍ او صنعت ګډه خونه وايي، پر تورخم دوه اړخیز تجارت نژدې ۵۰سلنه کم شوی دی.
د دې خوونې مشر شاهد حسین د ازادي راډیو مشال څانګې ته وویل، د سوداګرۍ د کمېدو اصلي علت د تیرا د راجګل کډوالو لهخوا له شاوخوا څلوېښتو ورځو راهیسې د پېښور او تورخم د لارې تړل دي.
د هغه په خبره پهدې سبب که پر دې لاره دوه اړخیز تجارت ۸۰۰ميلیونه ډالره و، نو هغه اوس څلور سوه ميلیونه ته راټیټ شوی دی.
د تيرا راجګل کډوالو د روان ۲۰۲۴ز کال د اګست له ۲۰مې راهيسې د جمرود په بېګياړۍ سيمه کې احتجاجي پرلت وهلی دی، چې له امله يې له افغانستان سره د تورخم پر لاره په تګ راتګ کې ستونزې جوړې شوې دي.