د طالبانو د حکومت د بهرنیو چارو وزات په عمان کې د افغانستان د سفارت د بیا پرانیستو خبر ورکوي.
د دې وزارت مرستیال ویاند حافظ ضیااحمد پر خپله ایکس پاڼه په یوه بیان کې چې نن خپور شو، ویلي چې په مسقط کې افغان سفارت د یکشنبې په ورځ خپلې چارې بیا پیل کړې.
د عمان حکومت تراوسه رسماً په دې اړه څه نه دي ویلي او د دې سلطنتي نظام رسنیو یې هم راپور نه دی ورکړی.
ضیااحمد ویلي چې د مسقط د سفارت چارې د طالبانو د حکومت د استازي لهخوا ترسره کېږي.
وروسته له دې چې متحده عربي اماراتو تېره میلادي میاشت د طالبانو سفیر ومانه عمان بل عربي هېواد شو چې ورته اقدام کوي.