د طالبانو د حکومت د پوهنې وزارت په یوه بیان کې ويلي، په هرات کې د ۲۵ښوونځیو او مدرسو د بیارغونې چارې پيل شوې.
د بیان پر اساس تمه ده، د څه باندې شلو میلیونو افغانیو په لګښت پهدې پروژو کې د هرات په ښار او څو ولسوالیو کې یوشمېر ښوونځي او دیني مدرسې ترمیم او ورغول شي.
دا ښوونځي او مدرسې د پوهنې وزارت په بودیجه بیا رغول کېږي.
طالبانو له بیا واکمنېدو راهیسې په ټولو ولایتونو کې د دیني مدرسو بیا رغونې ته مخه کړې ده.
د ۲۰۲۳ کال په پای کې د یوې سروې په اساس د دیني مدرسو شمېر له ۱۹زرو اوښتی وو.