د لوبو له میدانه اوونیزې سپورټي خپرونه کې به واورئ چې د افغانستان او نیوزیلنډ ترمنځ د یوازېنۍ ټېسټ لوبې درې ورځې د ورښت له امله بې لوبې پای ته ورسېدې.
افغان کرکټ ملي لوبډله به روانه میاشت له سویلي افریقا سره د درې یو ورځنیو سیالیو لوبلړۍ پیل کړي.
د افغانستان د فوټسال ملي لوبډله هم روانه اوونۍ د فوټسال په نړیوال جام کې ګډون کوي.
د افغان کرکټ بورډ له لوري د الف او نولس کلنو ځوانانو د لوبډلو تمریناتي کمپونه لا هم جریان لري.
افغان کرکټ بورډ په پلان کې لري چې د فرسټ کلاس سیالۍ پیل کړي.
د اسیا په کچه د والیبال د کلبونو په سیالیو کې د افغانستان استازي کلپ کام ایر بل پړاو ته لار موندلې ده.
د خپرونې په دویمې نیمايي کې درته د افغانستان او نیوزیلنډ ترمنځ د یوازېنۍ ټېسټ لوبې په تخنیکي تېروتنو، د لوبغالي د انتخاب، د متبادلو لارو چارو او نورو اړوندو مسایلو د کرکټ لوبې له مبصر فرهاد فدايي سره مرکه شوې ده.
دا خپرونه بختیار ساحل چمتو کړې چې د لاندې لېنک په کېکاږلو سره یې اورېدلی شئ:
Your browser doesn’t support HTML5
د لوبو له میدانه