د سویلي افریقا کرکټ بورډ نن دوشنبه د سپټمبر په ۹مه نېټه د افغانستان پر وړاندې د درې یو ورځنیو سیالیو راتلونکې لوبلړۍ ته لوبډله اعلان کړه.
په اعلان شوې لوبډله کې ټیمبا بوما د سویلي افریقا لوبډلمشر دی.
د سویلي افریقا په دې ۱۶ـ کسیزه لوبډله کې اوټنیل بارتمن، نندي برګر، ټوني ډي زوزي، بیون فورټن، رضا هینریکس، اېډن مارکرم، ویلیم مولډر، لونګي اینګیډي، انډیل پولوکویو، انقابا پیټر، انډيل سیمیلاني، جیسن سمیت، ټرسټن سټبز، کیل ویریاني او لیزرد ویلیمس شامل شوي دي.
افغانستان لا دې سیالیو ته خپله لوبډله نهده اعلان کړې.
د ویلو ده چې، د افغانستان او سویلي افریقا ترمنځ به د درې یو ورځنیو سیالیو لوبلړۍ د سپټمبر میاشتې په ۱۸مه، ۲۰مه او ۲۲مه نېټه ترسره شي.