د جرمني پولیسو پرون د اتریش یو تن ۱۸ کلن ځوان په مونشن ښار کې د اسرايیل قونسلګرۍ ته نږدې د ډزو په نتیجه کې وواژه.
د رویټرز خبري اژانس د خبر لهمخې، دغه کس مخکې تر دې چې ووژل شي، په خپلې یوې زړې تفنګچې سره له پنځو پولیسو سره ډزې تبادله کړې.
دا حمله د ۱۹۷۲م کال د حملې د کلیزې پر مهال وشوه، هغه وخت د مونشن یا میونیخ د المپیک لوبو پر مهال فلسطیني مبارزانو د اسرايیل ۱۱ ورزشکاران وژلي وو.
د اتریش د بهرنیو چارو وزارت ویاند رویټرز خبري اژانس ته ویلي، دغه ځوان مخکې د مشکوک افراطي کس په توګه پېژندل شوی و او په ۲۰۲۳م کال کې پولیسو په یوه افراطي ډله کې د هغه د غړیتوب راپور ترلاسه کړی و.