د افغانستان د بشري حقونو لپاره د ملګروملتونو ځانګړي راپورتر ریچارد بېنیټ په کابل کې د وړمې ورځې ځانمرګی برید غندلی او ویلې يې دي، هیڅ شی دا برید نهشي توجیه کولای.
بېنیټ نن سهار وختي پر خپله ایکسپاڼه یا پخواني ټویټر ویلي، هغه کسان چې د برید تر شا دي باید تر بشپړو څېړنو او شفافې محکمې لهمخې عدالت ته راويستل شي.
دغه ځانمرګى بريد د دوشنبې په ورځ د لويې څارنوالۍ د پخوانۍ ودانۍ مخې ته چې اوس دغه ځاى د طالبانو د حکومت د مشر د حکمونو او فرمانونو د تعقيب رياست په نوم يادېږي، د کارکونکو د رخصتۍ پر مهال شوى.
طالبانو پېښه کې د ۶ کسانو د مړینې او ۱۳ د ټپي کېدو خبر ورکړی دی، خو ځینو راپورونو کې د وژل شویو کسانو شمېر ۱۶ ښودل شوی دی.
د اسلامي دولت ډلې یا داعش د خراسان څانګې د برید پړه منلې ده.