افغان تکوانداو کار ابراهیم دانشي د پاریس د پارا المپیک لوبو په ترڅ کې نن پنجشنبې د خپل سیال پر وړاندې لوبه کوي.
دانشي به د خپل ټایواني سیال پر وړاندې د لوبې ډګر ته ووځي.
که چېرې نوموړی دغه لوبه وګټي، د پاریس د پارا المپیک لوبو اتم پړاو ته به لاره پیدا کړي.
نوموړی چې په آسیایي لوبو کې د لوبېدو تجربه لري، له افغانستان څخه یوازېنی لوبغاړی دی چې د پاریس د پارا المپیک په لوبو کې یې ګډون کړی دی.