روسیې نن د دوهمې پرلهپسې ورځې لپاره په اوکراین کې پراخ پوځي عملیات وکړل.
روسي ځواکونو دا حملې نن سهار وختي پیل کړې.
د اوکراین هوايي ځواک د دې هېواد پر قلمرو د لسګونه بې پيلوټه الوتکو او توغندیو د برید خبر ورکړی چې په نتیجه کې یې په ټول اوکراین کې د خطر زنګونه ووهل شول.
اوکرایني چارواکو ویلي چې دې حملو مرګژوبله او مالي زیانونه اړولي دي.
د کریوي ریه ولسوال ایوهین سیتني چینکو نن پر ټیلیګرام چینل ولیکل چې پر یوه هوټل د یوه روسي توغندي د لګېدو په پایله کې دوه کسان وژل شوي او احتمالاً څو نور به د نړېدلې ودانۍ تر کنډوالو لاندې پاتې وي.
همداراز له پلازمېنې کییف، ژیتومیر، وینیڅیا او نورو سیمو هم د حملو راپورونه رارسېدلي دي.
پر اوکراین د روسیې د پروني پراخ برید په ترڅ کې اوه کسان وژل شوي وو.