د اوکراین چارواکو نن سهار پر پلازمېنې کییف د روسیې د ډرون بریدونو خبر ورکړ.
د کییف ښاروال په خپل ټلېګرام کې ویلي چې، لږ تر لږه درې کسان وژل شوي.
دوشنبه سهار چې خلک کارونو ته روان وو د ډرون بریدونو په اړه خبرداری ورکړل شو.
اوکرایني چارواکو ویلي، لږ تر لږه لس روسي ډرون یې تعقیب او شنډ کړي هم دي.
د کییف د ځینو سیمو اوبه او برېښنا بنده شوې.
اخوا روسي چارواکو ویلي، د ساراتوف ښار په یوه هستوګنه سیمه د اوکرایني بېپيلوټه الوتکو برید شوی.
د ساراتوف قومندان رومن بارسوګین ویلي، یوه ښځه چې سخته ژوبله شوې وه، روغتون ته رسول شوې.