د شپږیزې لیګ د نهم پړاو سیالۍ د امو نهنګانو لوبډلې په بریا سره پای ته ورسېدې.
نن شنبه د اګست په ۲۴مه نېټه د شپږیزې لیګ پایلوبه د امو نهنګانو او بندامیر ښامارانو ترمنځ ترسره شوه چې د ۷ وېکټو په تفاوت امو لوبډلې وګټله.
د امو لوبډله د شپږیزې لیګ په لومړي پړاو کې تر پایلوبې رسېدلې وه، خو بیا یې ماتې خوړلې وه او دا یې د شپږیزې لیګ لومړۍ اتلولي ده.
په پایلوبه کې د امو لوبډلې لپاره شاهدالله کمال ۵۹ او محمداسحاق رحیمي ۴۷ ناسوځېدلې منډې وکړې او خپله لوبډله یې بریا ته ورسوله.