د طالبانو د حکومت ویاند وايي، د متحده عرب اماراتو د دولت ريیس محمد بن زاید آل نهیان د دوی له ريیس الوزرا ملا محمدحسن اخند سره په کتنه کې د افغانستان د بیارغونې په چارو کې د همکارۍ داډ ورکړ.
ذبیحالله مجاهد تېره شپه پر خپله ايکسپاڼه (پخواني ټویټر) لیکلي، چې ملا حسن د صحي معایناتو لپاره متحده عرب اماراتو ته تللی دی.
مجاهد نهدي لیکلي چې اماراتو په مشخص ډول په کومو برخو کې د همکاریو ډاډ ورکړی دی.
په خپله د متحده عرب اماراتو حکومت د دې کتنې په باب څه نهدي ویلي.
ملا حسن وړمه ورځ په کابل کې پر افغانستان د طالبانو د واکمنۍ د درېیمې کلیزې په مراسمو کې برخه نه درلوده.