په کندهار کې دوه نیول شوي خبریالان، محمدابراهیم محتاج او محمدیار مجروح خوشې شوي دي.
د افغانستان د خبریالانو مرکز د دغو دوو خبریالانو د خوشي کېدو د اقدام هرکلی وکړ، خو ویې ویل چې پر هغوی لګول شوي تورونه شفاف نه دي.
دغه مرکز د طالبانو له ځايي ادارې غوښتي چې د خبریالانو حقونه رعایت کړي او پر هغوی له فشار راوړلو ډډه وکړي.
د طالبانو د حکومت ویندوی ذبیح الله مجاهد پرون دوشنبې تایید کړه چې محمدابراهیم محتاج او محمدیار مجروح خوشې شوي دي.
مجاهد په عین حال کې ویلي چې دا دوه خبریالان د خپلو رسنیزو فعالیتونو په ارتباط نه وو نیول شوي.
محمدیار مجروح د سرطان په ۲۲ مه او محمدیار مجروح د اسد په ۶مه د طالبانو د کندهار د استخباراتو له لوري نیول شوي وو.