د افغاني سره میاشت ټولنې طالب مشر شهابالدین دلاور د اسلامي همکارۍ سازمان له سفیر محمدسعید العیاش سره په کتنه کې له دغه سازمانه وغوښتل چې، په زړه سوریو ماشومانو د درملنې لپاره په افغانستان کې یو روغتون جوړ کړي.
اکثره افغان ماشومان چې زړونه یې سوري وي، د درملنې لپاره جرمني ته وړل کېږي.
د سره میاشت ټولنې پرون (سهشنبې) په یوه خبرپاڼه کې ویلي چې، مولوی دلاور د اسلامي همکارۍ سازمان له سفیره همداراز وغوښتل چې لهدې ټولنې سره د طبي وسایلو اوخېمو مرسته وکړي.
د خبرپاڼې پر اساس، د اسلامي همکارۍ سازمان سفیر د همکارۍ ژمنه وکړه.
د افغاني سره میاشت ټولنه وايي، چې تېر کال یې ۳ زره ماشومان، چې زړونه یې سوري وو، ثبت کړي دي.