ټاکل شوې چې د پاریس د المپیکي لوبو په دوام افغان جودوکار صمیم فیض زاده له خپل اتریشي سیال واچیدبورچا شویلي سره مخامخ شي.
دا لوبه سبا ماسپښین مهال په پام کې ده.
فیض زاده د هغو شپږو افغان ورزشکارانو له ډلې دی چې د سږني دوبي په المپیک لوبو کې ګډون کوي.
له دې مخکې د شنبې په ورځ افغانې بایسکل ځغلوونکې یولدوز هاشمي د ۳۴ لوبغاړو په منځ کې ۲۶ مقام خپل کړ.
د یولدوز خور فریباهاشمي به د یکشنبې په ورځ د بایسکل ځغلولو په یوه بله سیالي کې ګډون وکړي.
په سږني المپیک کې درېیو ښځینه او دریو نارینه افغان لوبغاړو ګډون کړی، خو د طالبانو حکومت ویلی دي چې افغانې ښځینه لوبغاړې په رسمیت نه پېژني.
طالبانو پر افغانستان له واکمنېدو وروسته په تېرو درېیو کلونو کې د ښځو پر سپورټ بندیز لګولی دی.