چینايي سوداګر په افغانستان کې د سولر انرژۍ د تولید په برخه کې پانګونې ته لېوالتیا لري.
دا خبره د طالبانو تر کنټرول لاندې د صعنت او سوداګرۍ وزارت پرون شنبې پر خپلې ایکسپاڼې (پخواني ټویټر) کړې ده.
وړاندې راغلي، یوه چینايي سوادګر شییه د دې وزارت مرستیال احمدالله زاهد سره په کتنه ویلي: "غواړي په افغانستان کې د ۴۰ میلیونو ډالرو په ارزښت د سولر انرژۍ د تولید فابریکه جوړه کړي، چې زرو کسانو ته به پهکې د کار زمینه برابره شي."
ياد چینايي سوادګر له طالب چارواکو غوښتي چې پهدې برخه کې ورسره مرسته وکړي.
پر افغانستان د طالبانو له بياځلي واکمنېدو وروسته ډېر شمېر چینايي دولتي او خصوصي شرکتونه لېواله دي، چې د افغانستان پر معدنونو پانګونه وکړي.
وړمه ورځ چینايي انجنیرانو له شپاړس کلن ځنډ وروسته د لوګر د عینک د مسو د پروژې چارې رسما پیل کړې.