د طالبانو د بهرنیو چارو وزارت وايي چې په ترکمنستان کې یې نوی شارژدافېر ګومارلی دی.
د طالبانو د بهرنیو چارو وزارت ویندوی عبدالقهار بلخي نن جمعه پر خپله ایکسپاڼه لیکلي چې د ترکمنستان د بهرنیو چارو وزیر د فضل محمد صابر باورلیک منلی دی.
د قهار بلخي په وینا، له صابر سره د ترکمنستان د باندنیو چارو وزیر رشید مرادف په کتنه کې ترکمن وزیر هیله څرګنده کړه چې د دوو خواوو اړیکې لا پراخې شي او د ټاپي د ګازو د نللیکې، د ټاپ د برښنا د انتقال او د هرات-تورغونډۍ د ریللارې په شمول پر سترو پروژو ژر کار پیل شي.