د سمنګان ولایت د روبات کوتل په سیمه کې پرون جمعه په یوه ترافیکي پېښه کې لږ تر لږه شپږ تنه مړه شوي دي.
په مړو شویو کې دوې ښځې، درې نارینه او یو ماشوم شامل دي چې ټول د بلخ ولایت اوسېدونکي دي.
ځايي طالب چارواکو رسنیو ته وویل، پېښه هغه مهال رامنځته شوه چې يو کرولا موټر له يوې لارۍ سره ټکر شو.
په وروستیو نژدې لسو ورځو کې شاوخوا ۴۰ تنه په بېلابېلو ترافیکي پېښو کې مړه شوي دي.
د اکثرو ترافیکي پېښو علت د لارو خرابوالی او د موټرچلوونکو بې احتیاطي په ګوته کېږي.