د اسراییل پوځ د غزې تړانګې له هغې سیمې د خلکو د وتلو امر کړی چې د بشري زون په توګه بلل کېږي.
پوځ ویلي، د حماس د جنګیالیو پر ضد عملیات پيلوي نو ځکه یې د دې سیمې خلکو ته د وتلو امر کړی.
حماس د امریکا او اروپايي ټولنې لهخوا ترهګر سازمان ګڼل کېږي.
د اسراییل پوځ ادعا کړې چې حماس لهدې سیمې د اسراییلو په لور د راکټونو د توغولو لپاره کار اخیست.
په بشري زون کې ختیځه برخه مواسي هم شاملیږي.
ګڼ فلسطینیان د اسراییلو په تېرو شاوخوا لس میاشتنیو بریدونو کې څو څو واره د امن سیمو د لټون په هدف بېځایه شوي.