د افغانستان د ازادۍ جبهې په نوم د طالبانو د حکومت یوه مخالفه ډله ادعا کوي چې بغلان کې یې د طالبانو پر یوه لوړپوړي غړي او د دغه ولایت د ټرانسپورټ پر مشر ملا زرین ګوجر برید کړی دی.
دغې جبهې پر خپله ایکسپاڼه یا پخواني ټویټر لیکلي چې وسله والو یې د یکشنبې په ماښام په پلخمري ښار کې دغه برید کړی چې ترڅ کې یې دوه طالبان وژل شوي او یو بل ټپي شوی دی.
وړاندې راغلي چې د زرین ګوجر د برخلیک په اړه کره معلومات نه لري.
طالبانو تراوسه د دغه برید په اړه څه نه دي ویلي.
ازادي راډيو هم نه شي کولای چې په خپلواکه توګه دغه خبر تایید کړي.