د روسیې دفاع وزارت وايي، د اوکراین په جنوب ختیځ کې یې یو بل کلی نیولی دی.
د روسیې پوځ نن په یو بیان کې وویل چې د دونېڅک په لوېدیځ کې د موکري یالي سیند پر غاړه اروژایني Urozhayne کلی یې نن د چنګاښ په ۲۴ مه ونیو.
دا په اوکراین کې د روسيې د پوځ د پرمختګ تازه مورد دی.
دا کلی د نژدې ۱۲۰۰ کیلومتره په اوږدوالي د جګړې په لومړۍ کرښه کې هلته چې اوکرایني ځواکونه د روسیې د پرمختګ د مخنیوي هڅه کوي پروت دی.
اوکراین د روسیې د دې ادعا په اړه تراوسه څه نه دي ویلي.