ملګرو ملتونو خبرداری ورکړی چې شاوخوا پنځه لکه کسان په غزې تړانګه کې له سختې لوږې سره مخامخ دي.
دې سازمان پرون پنجشنبې په خپله ایکسپاڼه یا پخواني ټویټر کې لیکلي چې سرچینو ته محدود لاسرسۍ او محدود امکانات د دې سبب شوي چې اکثراً کورنۍ ونه شي کولای د اړتیا وړ مرستې ترلاسه کړي.
په اوس وخت کې غزه په بشپړه توګه د اسراییل له خوا کلابنده ده.
د مرستندویه سازمونونو په وینا٬ په غزه کې د نهه میاشتنۍ جګړې په نتیجه کې بشري وضعیت ډېر خراب شوی او د جګړې د پای ته رسېدو څرګ هم نه لګېږي.
د حماس تر کنټرول لاندې د غزې د روغتیا وزارت ویلي چې د اسراییل له خوا په بریدونو کې له ۳۸زرو زیات ملکي وګړي وژل شوي خو دا شمېر د خپلواکو سرچینو له خوا نه دی تایید شوی.